Monday, July 7, 2014

Jokowi For President ?



Assalaamu 'alaikum, Sedulur! Piye kabare? Wis arep coblosan tah? Wis podo rak sabar? Yo koyo sing tak omongke awit mbiyen, sopo wae mengkone capres sing dadi, Indonesia kudu tetep damai, adil lan makmur. Akur? Tapi ketoke aku ora iso milih, lha wong aku gek ora ning kampung! Mumet prosedure yen kudu mekso nyoblos ning kampunge uwong. Birokrasi jangkrik!!!









Yen ndelok soko survei sing wira-wiri ning media, koyoke bakalan Jokowi sing dadi. Tapi yo ra mesti uga, wong omongane Pakdhe Jack soyo mrene soyo nggaya. Semono uga luntur antusiasku nek ndelok debat capres wingi-wingi. Ningopo jal? Hayo sopo sing ngikuti debat sing wis dianakke kaping pirang-pirang kuwi?

Ing debat capres pertama babakan pengembangan sistem IT dalam pemerintahan, Pakdhe nate ngendhika,

"E-goverment, e-budgeting, ..., semuanya dibangun.. Panggil saja programmer, tidak ada dua minggu bisa dilakukan,"

Yo ngapuntene mawon, Dhe! Sistem teknologi informasi model piye sing pengen sampeyan bangun dalam dua minggu? Aku toh seneng wae karo semangat pembaruan lan optimisme tinggi sing sampeyan unjukke, nanging yo mesti sabar lan ngeluangke wektu sing cukup. Cepet anggone makaryo mestine apik, nanging yen kualitase elek yo mung sia-sia ra migunani. Ora iso digunakke njur akhire malah mbuwak-mbuwak duit rakyat thok.

Trus babakan sumber dana wajib belajar 12 tahun, Pakdhe matur,

"Apalagi Rp 40 triliun, itu gampang! Bisa dicari ... "

Aku ngapresiasi banget pernyataan optimis sampeyan kuwi, nanging yo dingapunten. Aku ngarepake iku dudu merupakan bentuk seko ngegampangake masalah sing lagi dihadapi bangsa iki. Amargi sangking rekam jejak sampeyan sakdurunge tentang permasalahan macet dan banjir Jakarta, sampeyan nate matur,

"Kelihatannya nggak sulit-sulit amat."

Kelingan po ra, Dhe? Nanging kenyataane nganti saiki Jakarta isih macet dan banjir wae. Piye jal?

Lajeng ning debat capres kapindho, Pakdhe uga ngendhika,

"Kita akan berikan Kartu Indonesia Pintar dan Kartu Indonesia Sehat. Ini sistem yang dibangun, bukan hanya anggaran saja,"

Yo maape wae, Dhe! Ndak ora saiki yo wis ono sistem? Wis ono wajib belajar 9 tahun sing dipeloki karo BOS (Bantuan Operasional Sekolah) kanggo pendidikan. Uga wis ono kartu BPJS (Badan Penyelenggara Jaminan Sosial) kanggo kesehatan. Trus ceritane arep nggawe sistem anyar? Tak kiro yo luwih apik yen sampeyan kari ngelanjutke wae sistem sing wis ono mau, mergo kesinambungan pembangunan adalah lebih baik tinimbang mulai maneh seko kawitan. Uga maneh kanggo mbangun sistem wae wis mangan wektu, tenogo lan biaya sing ora sithik lho, Dhe ...

Ing debat capres kaping telu, sampeyan nanggapi pitakonan Prabowo babakan Laut China Selatan mekaten,

"Ini adalah urusan negara lain dengan yang lain, tapi kalau kita bisa masuk dan berperan juga baik ... "

Lha mangsude pripun? Opo ora ngerti yen pulau Natuna sing ono ning Laut China Selatan bakalan diklaim karo Cino?

Trus njawabi pitakonane Prabowo babakan penjualan Indosat ing jamane Megawati, Pakdhe matur,

"Pada saat Ibu Mega jadi Presiden, kondisi ekonomi belum baik, Indosat kita jual. Kuncinya satu, kita ambil kembali,"

Maape mawon, Pakdhe. Sakngertiku Indosat didol dudu pas ekonomi susah koyo dek jaman krismon, ananging pas tahun 2002, nalika kondisi ekonomi wis suwe mari sangking krisis. Ojo maneh yen alasane ekonomi gek ra apik, mongko Habibie sing jauh luwih berkepentingan ngedol Indosat. Nanging kenyataane panjenenganipun ora odal-adol lan tetep berhasil ngatasi krisis ekonomi.

Miturutku, intine dudu mung njupuk maneh Indosat, ananging bercermin marang penjualan Indosat mbiyen, trus mikir piye carane supoyo penjualan aset negoro ora dibaleni maneh ning masa depan!

Trus maneh sampeyan matur,

"Dengan drone, bisa dilihat mana ada kekayaan ekonomi maritim yang diambil. Drone berguna untuk pertahanan, bisa mengejar ilegal fishing, ilegal logging ..."

Ngapuntene melih, Dhe! Po tenan sampeyan bakal mantau maritim nganggo drone? Sampeyan ngerti yen luas laute dewe iku 5,8 juta km persegi? Trus ngerti po ra piro daya jangkau sebuah drone? Drone Global Hawk sing regane 1,6 T sing lagi wae dinduweni Jepang mung iso mantau 100 ribu km persegi wilayah saben dinane. Trus butuh wektu pirang suwene ben iso mantau seluruh perairane dewe nganggo drone sing sampeyan rencanaake?

Nek aku to setuju-setuju wae dianakake modernisasi peralatan utama sistem pertahanane dewe. Nanging yo tetep perlu kajian mendalam sangking para pakar terkait pilihan teknologi sing bakal digunaake, amarga maneh-maneh iki nyangkut penggunaan duit rakyat kanggo biaya sing ora murah.

Lajeng ing ndalem debat babakan alutsista tank Leopard,? Pakdhe matur,

"Tank itu terlalu berat Pak Prabowo. Jalan kita rusak semua, jembatan kita tidak kuat menahan tank 62 ton,"

Ngapuntene, Dhe! Po sampeyan ora tau krungu penjelasan sangking para pejabat sing nduweni otoritas ning bidang iki? Menteri Pertahanan Purnomo Yusgiantoro nate matur,

"Sudah dilakukan pengujian, melalui jalan darat dari Surabaya hingga Situbondo. Di jalan biasa tidak ada masalah,"

Trus Harald Westerman, Managing Director Rheinmetall Landsysteme, pabrik pembuat leopard? uga wis njelasake,

"Dengan teknologi, beban 62 ton akan dibagi dalam banyak titik, sehingga beban per 1 cm persegi hanya 0,69 Kg. Beban ini lebih ringan dibanding beban sepatu hak tinggi yang dipakai seorang perempuan. Leopard tidak akan membuat jalan beraspal maupun tanah ambles. Hanya di rawa saja Leopard tidak bisa digunakan".

Dasare pundi panjenengan ndebat kados mekaten niku, Pakdhe?

Lajeng sakjabane debat ning ndhuwur, nalikane dikonfirmasi babakan pelanggaran aturan mergo kampanye ning Monas, Pakdhe ngendhika mekaten,

"Saya enggak tahu! Saya kan cuma diundang, yang ngadain relawan Merah Putih."

Lhah lhah malah piye to, Dhe? Iki jenenge melemparkan tanggung jawab. Mestine pas nerimo undangan sampeyan kudune yo wis ngerti, to? Sopo sing ngundang? Tujuane opo? Ning ngendi panggonane? Bagian endi sing sampeyan enggak tahu?

Ono maneh pas kampanye ning Kalbar, sampeyan malah nyindir .Prabowo,

"Masa debat setiap hari isinya bocor terus, memangnya pompa air?"

Dhe, Pakdhe ... tak kiro yo pancen kuwi masalah terbesar sing lagi dihadapi bangsa iki. Kebocoran! Bocore sumber kekayaan alam ke luar negeri. Lewat freeport, newmont, penjualan gas murah, penjualan minyak mentah lsp. Dadi yo wajar yen capres ngendikan babakan kebocoran iku lan maparake visi misi kanggo nutup bocore. Ora malah ngeremehake masalah kebocoran iku trus dipadakake karo pompa banyu. Karepe piye?

Liyane maneh pas mbahas lengen tengene Pakdhe sing tatu-tatu amarga uakehe warga dho njaluk salaman, sampeyan meneh-meneh malah nyindir Prabowo,

"Coba yang di sana berani nggak menyalami sampai berdarah-darah seperti ini? Paling keluar panggung wo wo wo wo wo...sudah,"

Po penting men dibahas ngono kuwi? Trus kula kedah matur WOW ngoten? Tatu sithik wae ngomonge nganti berdarah-darah, malah ndadak nyindir-nyindir capres lawan mbarang. Ben nopo jal?

Uga maneh wektu ning ponpes Babussalam, Pakdhe njanjeake,

"Satu Muharram menjadi Hari Santri Nasional saya sanggupi. Itu wajib diperjuangkan,"

Maturnuwun, Dhe! Sebagai muslim sekaligus santri, aku seneng yen kami dihargai. Tapi piye realisasi mengkone wae? Opo iki pancen bagian seko agenda kerja sing wis sampeyan rancang kanthi bagus? Opo mung janji sing terlontar secara spontan tanpa dipikirke luwih ndhisik? Njur piye nek ono elemen masyarakat sing njaluk dina? Opo sampeyan arep njanjeni maneh?

Kaping pungkasan nalikane konferensi pers ning Bandung, ngerespon kasus pengepungan salah sawijining stasiun televisi swasta dening simpatisan PDIP amarga dianggep mojokake, Pakdhe malah ngendikan,

" ... kan medianya ikut bantu manas-manasin. Salah sendiri manas-manasin. Makanya jangan ikut manas-manasin. Jangan sekali-kali salahkan relawan,"

Ceritane mungkir ngono, tah? Ngapunten menawi sampeyan niku kan pemimpin sing diikuti dening akeh wong. Sejatine pemimpin kudu dadi pengayom sing ngadem-adem para pengikute supoyo tetep sejuk lan nyaman senajan ning tengah rina kang panas. Mongko yo koyo opo panase situasi, Pakdhe kudu tetep sabar lan iso uga nyabarake para pengikute sampeyan. Ojo malah melu kegowo emosi nganthi ngendikan sing tansoyo ndadeake keadaan tambah panas. Tak kira mboten pas kaliyan image Pakdhe kang selama iki terkenal lembut lan tansah matur, "aku rapopo". Pundi semangat salam dua jarinipun? Pundi, Dhe?

Mongko yo ra maido yen krungu-krungu para ulama salafi ra bakal golput maneh. Ananging malah arep dho milih Prabowo, mergo ora lilo yen Indonesia mengkone bakal dipimpin kaliyan presiden sing diusung dening partai preman, sing gaweane ngepung uwong, nyegati wong, lsp.

Sumonggolah, Dhe! Ampun malih ngoten niku senajan wis akeh pendukung lan survei tansah di atas angin. Balekno image sing mbiyen iso gawe aku antusias marang sampeyan! Buktikan bahwa "i stand on the right side" !!!

Senajan kemungkinan besar aku ra iso nggunaake hak pilihku, amarga aku gek ora ning kampunge dewe, tapi aku tetep milih ... Indonesia kang damai, adil lan makmur, mbuh sopo wae sing mimpin mengkone!

Happy Blogging 'n Keep On Fire! Wassalaam ... :)



12 comments:

  1. Dudu Preman7/7/14 20:25

    hm..... wis siap dikepruki preman to, Le? :)

    ReplyDelete
    Replies
    1. Mengko nek arep dikepruki preman, aku yo kari muni, "maape, Mas! Aku gek poso."

      Bhahaha

      Delete
  2. anak aneh7/7/14 21:36

    jadi, pendukung mana kamu bang? Pendukung nomer 2? tapi kog analisisnya sangat mirip dg pendukung nomer 1? (y)
    Hayoo loh... Sudah hari tenang ini, awas kena ciduk. XD
    Hati-hati, kalo2 nanti pulangnya dicegat preman. :v

    ReplyDelete
    Replies
    1. Kalo ikut dalil, "athi'ullaha wa rosul wa 'ulil 'amri minkum" ya gue tetep ngedukung yg menang biar bisa mengemban amanah kepemimpinannya.

      Karna ini hari tenang, makanya gue tenang-tenang kalo entar dicegat preman. Tinggal bilang aja, "harap tenang, Mas! Ada ujian." *eh

      Delete
  3. debat yg menarik itu katanya soal leopard..dan ada spekulasi juga yg mengatakan...
    mungkin akan ada pengecualian kalo sepatu hak tingginya yg make wanita tiruan. ya mas

    soale hak yg ditengah2 nya kan blm ikut ketimbang beratnya...haha

    ReplyDelete
    Replies
    1. Bhahaha, ada aja spekulasi kayak gitu!^ itu malah menyindir wanita tiruan segala. XD

      Delete
  4. ketokane bar iki kesro deh
    hahaha
    kubu salah sijine kalah
    pastine emosi

    ReplyDelete
    Replies
    1. Ben sakkarepe kono wis! Bhahaha

      Delete
  5. aku pengen ngomong pakdhe iki pekok, tapi kok yo lagi posoan yoo..
    yowis gak sido nek ngono..

    sakbenere pakdhe iki sakno lho yo, kasarane dadi boneka thok, didadekno simbol perlawan karo wong wong sing nang mburine pakdhe, padahal asline pakdhe kan yo ora terlalu bernafsu koyok ngono yo, opo malah asline pakdhe yo pancen pengen koyok ngono, opo aku malah sing durung ngerti yoo..

    ReplyDelete
    Replies
    1. Wah, premane teko ngacak2 kiye! Kalema, Dab. Rak coblosane wis bar? kari nunggu ae pendukunge sopo sing ora dho poso mergo makan2 slametan dadi presiden!

      Wis mlebu ae, ra usah isin! Melu mangan mrene! Bhahaha

      Delete

    2. lho aku kok dianggep preman piye to iki..
      aku iku orak preman mas, aku iku kalem kok wonge..

      tur isik poso..

      semoga puasa dan amal ibadah kita di bulan ramadhan ini diterima Allah swt..

      aamiin..

      Delete
    3. iyo iyo sori, ngapurane yo ... :)

      Delete